السبت، 13 فبراير 2010

شغلنى شكــــــــــــــرا

شغلنى .... شكـــــــــــــــــراً


هكذا أحببت ان يكون عنوانى الاول فى مدونتى الجديدة ... فى البداية احب ان اعرفكم انا معايا ايه عشان تحكموا انتو

انا مخلصة علوم اسكندرية يونية 2009( وما ادراكم ما علوم اسكندرية )

تقدير عام جيد جدا مرتفع ( 81%) ... وتقدير السنة النهائية امتيـــاز ... وتقدير الكمياء فى جميع السنوات امتيــــــــــــاز

ويشهد لى أساتذتى بالجامعة اننى كنت فاذة فى قسم الكمياء ...

المهم خلصت وجبت النتيجة وفرحنا الحمد لله ... وقولت حعمل ماستر بقى ودكتوراة وحروح مع د.أحمد زويل ... اشتغل مع التيم بتاعه


رحت اقدم على ماستر ودكتوراة ... قالولى الساعة فى الماستر بخمسين جنيه والحسابة بتحسب كما يُقال

المهم فكرت طبعا التفكير العبقرى ان انزل اشتغل وفى اثناء العمل اقدم على الدراسات وكده مش حيبقى فيه مشكلة خالص خالص

ونزلت ادور على شغل وعملت السى فى .... ونزلت الى ارض الواقع ... ويااااااه وما ادراكم وما الصدمة التى تلقيتها ( طبعا لعله خير )

الواقع لذيذ اوى ... تبقى من اوائل كليتك لا تتعين ... ولا تلاقى شغل ... وناس تانية تبقى يدوبك ناجحة وسبحان ربك ( الوسطات تشتغل )

وهم يشتغلوا ...

المهم قررت فى مدونتى هذه ان اكتب جميع الانترفيوهات التى مررت بها ( تقريبا اكثر من خمسين ) ... والتى سأمر بها ان شاء الله .. الى أن اجد العمل

دعــــــــــــــــــــــواتكم

هناك 4 تعليقات:

  1. مرحبا بكم فى طابور الخريجين


    (:

    ردحذف
  2. ماشى ... طابور خريجين .. وان شاء مش يكون طابور عاطلين ... وانا مش بيئس بسهولة .. وان شاء الله عن قريب جدا اكون من طابور المنتجين الموفرين لفرص العمل

    جزاكم الله خيرا

    ردحذف
  3. يااااااه

    ربنا يعينك يابنتي :)

    ويوفقك

    ردحذف
  4. حملة شغلني شكرا

    أعتقد حملة شغلني شكرا هي بادرة طيبة طالما الغرض منها نفع الشباب في ايجاد فرصة عمل وهي بتتم الأن بتضافر شركات واعلام وقنوات فده يدي قوة للحلة ان شاء الله وفرصة للشباب تعمل مليونية للعمل والسعي لطلب الرزق بدل القعدة ولا التسكع - لا يغير الله ما بقوم حتي يغيروا ا بانفسهم - وقل اعملوا فسيري الله عملكم ورسوله والمؤمنون

    وتم اعداد موقع للحملة لتسجيل الباحثين عن وظائف واعلان الوظائف الخالية المتاحة يوميا في مصر والوطن العربي

    لكافة القطاعات للمهندسين والمحاسبين والمبرمجين والاداريين والمحاسبين والمحامين

    http://www.shaghalni-shokran.com

    ردحذف