الثلاثاء، 2 مارس، 2010

مدونة عامة وليست خاصة !!!!

السلام عليكم ورحمة الله وبركاته
ازيكم جميعا !!!!
ان شاء الله تكونوا بخير وكويسين ومشتغلين كمان
المهم ...
انا كنت حعمل المدونة دى شخصية ... يعنى حتكلم فيها عن مأساتى فى البحث عن عمل ... وعلى الرغم من كونى بنت
فما بالكم بالشباب الذين يبحثون عن عمل وعليهم مسئوليات ...
بجد حسيت انها ازمة كبيرة بتواجهنا جميعا ...
ففكرت انها تكون عامة لجميع الشباب والبنات الذين تخرجوا من جميع الكليات ... وما زالوا يبحثون عن فرص عمل ...
وححاول اعرض على قدر الامكان اى مواقف ناس اعرفها وهى بتبحث عن عمل ..
وياريت نرى مشاركاتكم ..
عشان نعلى صوتنا .... ويعرفوا الناس اد ايه احنا ناس مظلومة ومحتاجين ولو فرصة صغنونة عشان نثبت بيها ذاتنا ..
ونعمل حاجة لوطنا ... ونعيد المجد لامتنا :)
دمتم بخير

السبت، 13 فبراير، 2010

شغلنى شكــــــــــــــرا

شغلنى .... شكـــــــــــــــــراً


هكذا أحببت ان يكون عنوانى الاول فى مدونتى الجديدة ... فى البداية احب ان اعرفكم انا معايا ايه عشان تحكموا انتو

انا مخلصة علوم اسكندرية يونية 2009( وما ادراكم ما علوم اسكندرية )

تقدير عام جيد جدا مرتفع ( 81%) ... وتقدير السنة النهائية امتيـــاز ... وتقدير الكمياء فى جميع السنوات امتيــــــــــــاز

ويشهد لى أساتذتى بالجامعة اننى كنت فاذة فى قسم الكمياء ...

المهم خلصت وجبت النتيجة وفرحنا الحمد لله ... وقولت حعمل ماستر بقى ودكتوراة وحروح مع د.أحمد زويل ... اشتغل مع التيم بتاعه


رحت اقدم على ماستر ودكتوراة ... قالولى الساعة فى الماستر بخمسين جنيه والحسابة بتحسب كما يُقال

المهم فكرت طبعا التفكير العبقرى ان انزل اشتغل وفى اثناء العمل اقدم على الدراسات وكده مش حيبقى فيه مشكلة خالص خالص

ونزلت ادور على شغل وعملت السى فى .... ونزلت الى ارض الواقع ... ويااااااه وما ادراكم وما الصدمة التى تلقيتها ( طبعا لعله خير )

الواقع لذيذ اوى ... تبقى من اوائل كليتك لا تتعين ... ولا تلاقى شغل ... وناس تانية تبقى يدوبك ناجحة وسبحان ربك ( الوسطات تشتغل )

وهم يشتغلوا ...

المهم قررت فى مدونتى هذه ان اكتب جميع الانترفيوهات التى مررت بها ( تقريبا اكثر من خمسين ) ... والتى سأمر بها ان شاء الله .. الى أن اجد العمل

دعــــــــــــــــــــــواتكم